Lutja zhvillohet çdo natë në orën 20,30 pranë Bazilikës së Shën Mërisë në Trastevere, Romë 

Komuniteti i Sant'Egidios u themelua në Romë në vitin 1968, mbas Koncilit te dytë Vatikan. Sot është një lëvizje laikësh në të cilën marrin pjesë më se 50.000 anëtarë, e angazhuar për të përhapur Ungjillin dhe për të kryer veprime bamirësie në Romë, në Itali dhe në më se  70 vende nëpër kontinente të ndryshme.

Komuniteti i Sant'Egidios është një "Shoqatë publike laikësh në Kishën Katolike". Komunitetet e ndryshme, të përhapura nëpër botë, bashkëndajnë të njëjtën frymë shpirtërore si dhe bazat që karakterizojnë ecjen e Sant'Egidios:

Lutjen, që shoqëron të gjitha komunitetet në Romë si dhe në botë dhe që është një nga elementet përbërëse kryesore. Lutja është qëndra dhe vendi kyesor i orientimit të përgjithshëm të jetës së Komunitetit.

Shpalljen e Ungjillit, zëmrës së jetës të Komunitetit, që i zgjatet të gjithëve që kërkojnë dhe pyesin për një jetë që të ketë kuptim.

Solidaritetin me të varfrit, si shërbim vullnetar i pa shpërblim, në shpirtin ungjillor të një Kishe që është "Kishe të të gjithëve dhe veçanerisht të të varfrëve" (Papa Gjon XXIII).

Ekumenizmin, e përjetuar sikur miqësi, lutje dhe kërkim të bashkimit midis të krishterëve në mbarë botën.

Dialogun, e shpallur nga Koncili i dytë Vatikan si rrugën e paqes dhe të bashkëpunimit midis feve, por edhe si menyrë jetese dhe si metodë pajtimi në vend të luftrave.

Komuniteti ka qëndrën e tij pranë Kishës së Sant’Egidios në Romë, prej së cilës ia mori emrin. Qysh nga fillimi, në lagjen e vjetër të Romës, Trastevere, si dhe ne të gjithë qytetin, Komuniteti ka një prani të vazhdueshme nëpërmjet lutjes dhe pritjes së të varfreve dhe shtegtarëve.

Lutja zhvillohet çdo natë në orën 20,30 pranë Bazilikës së Shën Mërisë në Trastevere, Romë.